Zgh tigira n isgwasn n 60, Imazighn mmaghn bdda d assackn azawan ns d izmaz lli gh llan. Anzgum ad isdust bahra ummussu adlsan amazigh gh isgwasn n 80. Mayan ad issuggan mnnaw imarirn lli mmi iga unzgum mqqurn yan : ad fin udm atrar i uzawan amazigh, mamnk as ra yyimim dar miden akw umadâl bla yaggug f ighbula lli gh ad ittagwm ?
Imarirn ad ggutn bahra nzêdâr akw a nsawwal f yat taddînga tamaynut. Yuba, s tgharast ns srs izêlin, iwaliwn ns ittustayn, yasin anzgum, ikfa yan udm yadênin i uzawan amazigh.
Iga iwis n Sus, anazûr ad isatign, ura ittirir amr s wawal amazigh, ar ghilad idîd snat tsffifin : Tamzwarut, tawargit gh usgwas n 1999, nttat a imlaln Yuba i willi t ur issn, tmel aylli mmi izêdâr at id isgguru gh ubaraz n uzawan amazigh. Wis sin Itran azal, tasffift ad lli ittiskarn ngr Aliman d Lmrruk tffaghd gh 2005, tga azmmazl wis sin n Yuba gh usnflul d ustrar n umarg n darngh.
tameddurt
Ilul Yuba gh Dcheira, yat tmedint mezzîyen illan gh tama n Agadir. Ghin nit agh izzri mezzîy nnes. Lligh n imqqur s imik, ittut zund kigan n ayt tmazirt ns s usurs amazdar n idels nnes, idels amazigh. Mkan af yusi afrak ar isiggil man tigharasin as rad yaws gh ussfrek ns, immagh f tussna tunsîbt s uggug ad amezwaru n tmagit tanamurt n Merruk. Issnti ar ittara amarg s tmazight afa d imel tayri ns i idels ad, urta iga azêmmazl ns izwarn gh ubaraz n uzawan.
Ifels mas iga uzawan yan imis isugren gh ubrid n tamaght, isnti ar ikkit idinanen n tgitart yawes gh tlalit n yat trabbut n umarg. Mqqar fellasn tqqen tenbâdt abrid n isuyas, ighi Yuba ad isker mennaw imddrzen gh kigan d temdinin n Merruk ississan anaw n umarg nnes ger tugget n imarayen n umarg amazigh. Azawan ns ard ittagwm gh idles ns azayku, gh usala ns idran, mac Yuba ihâbbl tarmiwin n wiyyâd, ihîyl i inmuggar d idlesan n umadâl. Snat tsffifin lli d idî Yuba ar mmalant tafssa ns f ad isflujju amarg issackid iwaliwn isnmili azawan.
Gh 2000, tasffift ns izwarn tawargit lli yura, iga s tiyyet, yirirt tssen agharas s ulawen ggutnin gh Merruk. Gh 2005 issufghd tis snat ngr Merruk d Uliman ig as Itran Azal nttat agh isatig imasn iqburn n darsn zund lutar, ahjhuj, amzâd (rribab),